Flandria (Maschinnebauer)
![](http://chped.net/https/upload.wikimedia.org/wikipedia/commons/thumb/a/a8/Flandria_vun_1975.jpg/220px-Flandria_vun_1975.jpg)
![](http://chped.net/https/upload.wikimedia.org/wikipedia/lb/6/6b/Flandria_Logo_w.jpg)
Flandria ass eng historesch belsch Vëlomotosmark, déi zu Zedelgem vun 1951 bis 1981 hir Fabrick hat.
Flandria huet fir d'éischt liicht Maschinne gebaut fir Bauerebetriber. E Vëlo mat Hëllefsmotor haten d'Bridder Aimé an Remi Claeys schonn 1951 mat engem 40 ccm "Rex" Motor ekipéiert; d'Joer drop hate se schonn e 49 ccm Motor, dee si selwer entwéckelt a gebaut haten. 1953 gouf deen éischte Flandria "Superia" Vëlomoto mat engem selwergebaute Claeys-Motor virgestallt.
Am Joer 1959 sinn déi zwéi Bridder auserneegaangen. Den Aimé huet weider Flandria Vëlomotoe gebaut an de Remi huet ugefaangen, der selwer ze bauen; ënner dem Numm "Superia" mat Sachs-Motoren.
An de siwwenzeger Joren huet Flandria méi wéi 100.000 liicht Motoen, Vëlomotoren, Méimaschinnen an Hëtzkierpere fabrizéiert.
![](http://chped.net/https/upload.wikimedia.org/wikipedia/lb/thumb/d/d4/Flandria_Scooter_49cc_Poster.jpg/340px-Flandria_Scooter_49cc_Poster.jpg)
1981 huet den Aimé Claeys opgehalen, a säi Brudder huet d'Betriber iwwerholl. Ausser zu Zedelgem an zu Zwevezele an der Belsch hat Flandria nach aner Fabricken: Zu Avaros an Holland, a Frankräich, Marokko an a Portugal. Zu Figueres a Spuenie goufe Flandria-Motorbléck a Lizenz gebaut.